ҚПЛ-дің қымбат футболшылары
<p class="2018-" style="text-align: justify;"><span style="letter-spacing: -.2pt;">Әйгілі Transfermarkt басылымы футболдан Қазақстан чемпионатында доп тебетін футболшылардың трансферлік құнын жариялады. Жыл ба­сындағы рейтингте көш басында тұрған «Қай­­­раттың» польшалық легионері Яцек Гуральски 500 мың еуроға арзандап, екінші орынға түсіп қалды. Оның қазіргі бағасы – 1,8 миллион еуро.</span></p>
Немістің әйгілі сайтындағы дерек бойынша осы маусымда «Астана» сапында сәтті өнер көрсеткен армениялық Тигран Барсегян ел біріншілігінің ең қымбат футболшысы атанды. Қазіргі таңда оның трансферлік құны – 2,5 миллион еуро. Чемпионат басында ол 2 миллион еуромен үшінші орынға табан тіреген еді. Қымбат футболшылардың үштігін «Қайраттың» қорғаушысы Нұрәлі Әліп пен «Тобылдың» шабуылшысы Игорь Сергеев (Өзбекстан) түйіндеп тұр. Олардың трансфердегі бағасы – 1,7 миллион еуро. ҚПЛ-дің биылғы сұрмергендер тізімінде 11 голмен 3-орын алған И.Сергеевтің бағасы жыл басынан бері 200 мың еуроға артқан.
Кейінгі орындарға мына футболшылар жайғасқан: Раде Дугалич («Қайрат») – 1,8 млн еуро (-200 мың), Хосе Канте («Қайрат») – 1,5 млн еуро (+500), Дино Миканович («Қайрат») – 1,7 млн еуро (-600), Абзал Бейсебеков («Астана») – 1,4 млн еуро, Небойша Косович («Қайрат») – 1,3 млн еуро (+300), Алекса Аманович («Тобыл») – 1,3 млн еуро.