«ТҮРКСОЙ» алматылық оқырмандарға 2000 кітап тарту етті
<p style="text-align: justify;">Қазақстан Тәуелсіздігінің 30 жылдығына орай Алматы қалалық кітапханаларына халықаралық «ТҮРКСОЙ» ұйымы шығарған кітап-альбомдар тарту етілді, деп хабарлайды <a href="/" target="_blank" rel="noopener noreferrer">Egemen.kz</a>.</p>
Еліміздің ұлық мерекесі қарсаңында «Almaty сreativ hub» ғимаратында Түркиядан арнайы әкелінген қазақ классик ақын-жазушыларының 24 кітап-альбомдарының 2000-ға жуық данасы Алматы қаласының кітапханаларына сыйға берілді.
Кітап-альбомдардың ішінде үш тілде жарияланған: «Абай», «Үш Арыс», «Олжас Сулейменов», «Шыңғыс Айтматов», «Қалам мен қағаздың махаббаты» және т.б. кітаптар бар.
Салтанатты іс-шараға «ТҮРКСОЙ» ұйымындағы Қазақстан Республикасының өкілдері мен шығармашыл зиялы қауым қатысты.
