Шымкент тұрғынын 2 млн теңгеге алдаған алаяқ ұсталды

<p style="text-align: justify;">Шымкент қаласындағы Еңбекші АПБ-ға жергілікті тұрғын арызданған, деп жазады <a href="/" target="_blank" rel="noopener noreferrer">Egemen.kz</a>.</p>

Ол өз арызында бейтаныс әйел арнайы мемлекеттік бағдарлама бойынша қайтарымсыз қаржы алып беремін деп 2,1 млн теңгесін иемденіп кеткенін көрсеткен. Аталған жайтты тәртіп сақшылары ҚР ҚК-нің 190-бабының 2-бөлігімен (Алаяқтық) тіркеді.

Криминалдық полиция бөлімі қызметкерлерімен жүргізілген жедел-іздестіру іс-шараларының нәтижесінде жергілікті тұрғын анықталып, тиісті басқармаға жеткізілді.

Тергеу амалдары барысында азаматшаның басқа да қылмыстарға қатысы бар екені анықталды.

Қазіргі кезде аталған әйелге қатысты міндеттеме түріндегі бұлтарпау шарасы қолданылған.