Соңғы он айда 28 мың адам елден көшіп кеткен
<p style="text-align: justify;">Ұлттық статистика бюросының дерегіне сүйенсек, 2021 жылдың қаңтар-қазан айлары аралығында 27 723 адам Қазақстаннан көшіп кеткен, деп жазады <a href="/" target="_blank" rel="noopener noreferrer">Egemen.kz</a>.</p>
Биыл елімізге 8300 адам қоныс аударған.
«Еліміздегі негізгі көші-қон алмасуы ТМД мемлекеттерімен өтуде. ТМД елдерінен келгендердің және сол елдерге кеткендердің жалпы санының үлесі сәйкесінше 84,4% және 85,9% құрады», делінген хабарламада.
Сонымен қатар ел ішінде көшіп-қону бойынша 2020 жылғы қаңтар-қазан айымен салыстырғанда, 5,3%-ға азайған.
Аймақтар бойынша Нұр-Сұлтан (25086 адам), Алматы (24351 адам), Шымкент (9459 адам) қалаларына және Маңғыстау облысына (238 адам) көшіп келушілер саны арта түскен.