Азияның үшінші құрамасы
<p style="text-align: justify;">Алматыда жалауы желбіреген каратэден ересектер арасындағы Азия чемпионатының ке­зекті күні қазақстандық спортшылар үшін та­бысты болды. Командалық жарыста өнер көр­сеткен Қазақстан әйелдер командасы сары құр­лық додасының қола жүлдегері атанды.</p>
Үшінші орын үшін өткен бәсекеде Қазақстан намысын Токио Олимпиадасының жүлдегері Софья Берульцева, Сабина Захарова және Мөлдір Жаңбырбай қорғады. Олар кіші финалда Иран құрамасынан басым түсті. Кеше Қазақстан ерлер командасымен бірге жекелей бәсекелерде Мөлдір Жаңбырбай (50 кг), Сабина Захарова (55 кг), Софья Берульцева, Әсел Қанай (68 кг), Андрей Ақтауов (55 кг) финалда бақ сынады.
Ал жастар арасындағы әлем чемпионы Еркінбек Байтөреев (60 кг), Дидар Әмірәлі (67 кг), Нұрқанат Әжіқанов (75 кг) және Бейбарыс Жаңбыр (84 кг) қола жүлдеге таласты.