3,5 мыңнан астам жұмыс орны ашылды

Несиелеу бағдарламаларының бюджеті осы жылы 47,3 млрд теңгені құрады. Бұл көрсеткіш өткен жылмен салыстырғанда 49 пайызға артық (2020 жылы – 31,8 млрд теңге), оның ішінде жергілікті бюджет қаражаты – 28,9 млрд теңгені құрайды. Ал рес­публикалық бюджеттен бөлінген қара­жат – 18,4 млрд теңге. Бюд­жеттің 58 пайызы субсидия­лау және кепілдік беру құралдарына, ал 42 пайызы несие беруге жұм­салған. Бизнесті қолдаудың мем­лекеттік және өңірлік бағдар­ла­малары аясында 3 212 жоба қаржыландырылып, 278,4 млрд теңге жұмсалған.

Алматы қаласы әкімінің орын­­­басары Мақсат Қиқымов атап өткен­дей, қала бизнесі мем­л­е­­кеттік ­қолдаудың барлық шара­сын белсенді қолданып келеді. Мәселен, 2018-2019 жылдары негізінен ірі және орта кәсіпорындар қаржыландырылса, былтырдан бастап микро және шағын бизнесті қолдау мен қар­жыландыру бойын­ша көрсеткіш жақсарған. Санат­тар бойынша биыл барлық жоба­ның жартысынан астамын шағын бизнес құрайды. Сала­лар бөлінісінде негізгі үлес өнер­кә­сіпке және көлік­ке тиесілі. Аудандар бойын­ша қаржы­ланды­рыл­ған жоба­лардың ең көбі мега­полистің Әуезов, Алмалы, Бостандық және Алатау аудандарында орна­ласқан.

«БЖК–2025» бағдарламасына орай осы жылы 2 815 жоба қар­жыландырылып, 184,6 млрд теңге несие сомасы игерілген. Оның ішінде 231 жобаға бөлінген қай­тарымсыз инновациялық грант­­тың жалпы сомасы – 690 млн теңге. «БЖК-2025» бойынша жоба­­лардың ең көп саны келесі салаларда қаржыландырылды: көлік және қойма – 19,1, сауда және қызметтер – 18,9, өнеркәсіп – 14,3 пайыз.

Мемлекеттік бағдарламалар аясында «Қарапайым заттар экономикасы» бойынша 41,7 млрд теңге несие сомасына – 28 жоба, «АӨК» бойынша 36,2 млрд теңге сомасына – 15 жоба, «Еңбек» бойынша 1,5 млрд теңгеге 102 жоба қаржыландырылды. Өңір­лік бағдарламалар аясында Almaty Business бойынша 8,9 млрд теңгеге – 119 жоба, Almaty Business – 2025 бойын­ша 5,5 млрд теңгеге 133 жоба қаржы­лан­дырылды.

Қала шетіндегі бизнесті қол­дау да маңызды бағыттардың бірі. Бағдарлама іскер­лік белсенділігі төмен аудан­­дарда танымал бола бас­тады. Оған қаланың 5 ауданы (Алатау, Әуезов, Жетісу, Наурызбай, Түрксіб) кіреді. Бүгін­де аталған аудандарда 3,3 млрд теңгеден астам сомаға 74 жоба қар­жыландырылған.

АЛМАТЫ