«Алтын қор» кинолары жойылған жоқ
<p style="text-align: justify;">Еліміздегі бүгінгі ахуал кезінде отандық мәдениет пен тарих мұраларының тағдырына немқұрайды қарамайтындардың барлығын республикалық телеарналардың бірінде «Елдің алтын қоры» жойылды деген хабар толғандырды.</p>
Мәдениет және спорт министрлігінің хабарлауынша, бұл ақпарат шындыққа жанаспайды. «Қазақстан» республика
лық телерадиокорпорациясынан алынған ақпарат бойынша, Алматы қаласындағы филиал ғимаратында сақталған киноматериалдарға шығын келген.
Бұл ретте бұрын «Қазақстан» РТРК 2017 жылдан 2021 жылға дейін кинофотоқұжаттар мен дыбыс жазбаларының Орталық мемлекеттік мұрағатына (ҚР МСМ ведомстволық бағынысты ұйымы) сақтауға берген киноның «Алтын қорының» 500-ге жуық сақтау бірлігі бар елеулі бөлігі бүтін және сақталған.
Айта кетейік, КФДЖҚ кино қоры 4 698 деректі фильмді құрайды, оның ішінде «Қазақтелефильм» студиясының 1000-ға жуық кинолентасы болса, 504-і көркем фильм. Ал жалпы архивте, Ұлттық архив қорының құрамында 209 289 бірлік кино-фото-фоноқұжат бар, олар толық сақтаулы.