Кәсіпкерлікті дамытуға назар аударған жөн
<p style="text-align: justify;">Елімізде орын алған қайғылы оқиға бизнеске де кері әсерін тигізді. Жыл басында орын алған тәртіпсіздіктер барысында бизнес зардап шекті. «Атамекен» ҰКП-ның есептеуі бойынша бүгінгі таңда бизнес­ке келтірілген залал шамамен 104 млрд теңгені құрады. Ең көп зардап шеккен Алматы қаласындағы бизнес субъектілері – 102,2 млрд теңге.</p>
Мемлекет басшысы Қасым-Жомарт Тоқаев кәсіпкерлікті дамыту және қолдау жөнінде бірқатар тапсырма берді. Қазіргі уақытта біз осы бағытта жұмыс істеп жатырмыз.
Менің ойымша, кәсіпкерлік саласындағы реттеушілік саясат туралы заңның әлеуетін іске асыруды батыл бастау керек. Мемлекеттік қолдау шараларын ұсыну рәсімдерін түбегейлі қайта қарау қажет. Бұл ашық және түсінікті механизмдер болуы тиіс. Өңірлерде шағын және орта бизнесті дамытуға ерекше назар аударған жөн. Бұл – тұрақты жұмыс орындарын құру шарттарының бірі. Мемлекет басшысының тапсырмасы бойынша жеке ісін дамытуға арналған грант мөлшері 200-ден 400 АЕК-ке дейін (612,6 мыңнан 1,2 млн теңгеге дейін) ұлғайтылады, сондай-ақ қаржыландыруды қажет ететін бизнес-жобалардың атаулылығын және бағалануын күшейту бойынша шаралар кешені қабылданатын болады.
Рустам ЖҮРСІНОВ,
Қазақстан кәсіпкерлерінің құқықтарын қорғау жөніндегі уәкіл