Бас прокуратура ауыр қылмыстар бойынша 695 тергеу ісін бастады
<p style="text-align: justify;">Елдегі тәртіпсіздіктерге байланысты «ауыр» және «аса ауыр» қылмыстар бойынша 695 сотқа дейінгі тергеу басталды, деп хабарлайды <a href="/" target="_blank" rel="noopener noreferrer">Egemen.kz</a>.</p>
Бұл туралы ҚР Бас прокурорының аға көмекшісі Азамат Сарғазин орталық коммуникациялар қызметінде өткен брифингте мәлімдеді.
«Ауыр және аса ауыр қылмыстар бойынша 695 сотқа дейінгі тергеп-тексеру басталды. Оның ішінде 44 - терроризм актілері бойынша, 15 – кісі өлтіру бойынша, 6 іс - насихаттау фактілері және билікті басып алуға шақыру бойынша. Күдікті ретінде 780 адам ұсталды. Оның 695-ін сот қамаққа алды. Бұл істердің ауыр және аса ауыр қылмыстар санатына жататынына тағы да назар аударығым келеді», деді Бас прокурордың аға көмекшісі.