Оливейраның келесі қарсыласы – Гэтжи
<p style="text-align: justify;">Аралас жекпе-жек әлемінен хабар таратып жүрген журналист Бретт Окамото өзінің твиттерінде UFC-дің жеңіл салмақтағы әлем чемпионы Чарльз Оливейра келесі шайқасында кіммен шығатынын жазды, деп хабарлайды <a href="/" target="_blank" rel="noopener noreferrer">Egemen.kz</a> championat.com-ға сілтеме жасап. </p>
Ол келтірген деректерге зер салсақ, Чарльз Оливейра октагондағы кезекті жекпе-жегін 7 мамыр күні өткізетін көрінеді. Чарльз Оливейра бұл күні америкалық Джастин Гэтжиге қарсы сегіз бұрышқа шығады. Осылайша әлеуметтік желілерде бірнеше мәрте бір-біріне тіл тигізген спортшылар өзара кім мықтыны анықтайды. Чарльз Оливейра соңғы шайқасында америкалық Дастин Порьені қылқындыру әдісімен мерзімінен бұрын жеңген еді.