«ҚазАвтоЖол» басшысы қызметінен босатылды
<p style="text-align: justify;">«ҚазАвтоЖол» ҰК» АҚ басшысы Асқар Маратұлы қызметінен босатылды, деп хабарлайды <a href="/" target="_blank" rel="noopener noreferrer">Egemen.kz</a>.</p>
Асқар Маратұлы өзінің Instagram парақшасында бүгін соңғы жұмыс күні екенін жазды.
Оның айтуынша, республикалық маңызы бар 3,6 мың шақырым автожол қайта жөндеу бойынша құрылыс жұмыстарымен қамтылған.
«Сондай-ақ Алматыдағы «Алтын Орда» базарының жол айрығында жол жүру қамтамасыз етілді. «Қызылорда-Жезқазған» жолының құрылысы бойынша барлық келісу рәсімдері өтті. Жоба биыл басталады. Жол бойындағы сервистің 20-дан астам объектісі ашылды. Әлемнің жетекші банктерімен ынтымақтастық туралы бірнеше келісімге, сондай-ақ ірі отандық компаниялармен көпжақты меморандумдарға қол қойылды», деп жазды ол.
Экс-басшының айтуынша, қоғамдық кеңес пен компания қызметінің ашықтығы мен айқындығын қамтамасыз ету жөніндегі арнайы комиссия құрылды.