Шекарашылар теңізде жауынгерлік ату бойынша жаттығу өткізді
<p style="text-align: justify;">Мемлекет басшысының Қазақстан Республикасы Қарулы күштері мен әскери құрылымдарының жауынгерлік дайындығын арттыру туралы тапсырмасын орындау маңызды міндет, деп хабарлайды <a href="/" target="_blank" rel="noopener noreferrer">Egemen.kz</a> ҚР ҰҚК баспасөз қызметіне сілтеме жасап.</p>
Осы орайда Шекара қызметінің Маңғыстау облысы бойынша департаменті теңіз бөлімшелерінің күнделікті қызметті ұйымдастыруы және кемелер мен катерлердің ұрысқа немесе жорыққа дайындығын тексеру бойынша іс-шаралар жүргізуде.
Жауынгерлік тапсырмаларды орындау мақсатында шекара кемелерінің экипаждары бірлесіп, жүзу оқу-жаттығуларын өткізіп, түнгі және күрделі гидрометеорологиялық жағдайларда теңіз және жағалау нысандары бойынша артиллериялық оқ атуды пысықтады. Жеке құрамның алдына қойылған міндеттер толық көлемде және сәтті орындалды.