Былтыр несие алушылардың саны артқан
<p style="text-align: justify;">2022 жылдың 1 қаңтарындағы жағдай бойынша Қазақстанның бөлшек несие портфелі 10,76 трлн теңгеге жетті. Бұл былтырмен салыстырғанда 42,9 пайызға жоғары, деп жазады <a href="/" target="_blank" rel="noopener noreferrer">Egemen.kz</a> Бірінші несие бюросына сілтеме жасап.</p>
«2021 жылдың 11 айында автотранспортты тіркеу саны алдыңғы жылмен салыстырғанда 1,3 пайызға төмендеп, 710,4 мың бірлікті құрады. Мұндай төмендеу екінші нарық есебінен болып отыр. Ал жаңа автомобильдердің сатылымы 25,9 пайызға өсіп, 117 мың бірлікке жетті. Сонымен қатар автокөлік алу мақсатымен рәсімделген несиенің жалпы сомасы 57,5 пайызға ұлғайып, 592,2 млрд теңгені құрады», деп мәлімдеді Бірінші несие бюросы.
2022 жылдың 1 қаңтарындағы жағдай бойынша былтыр несие жүйесі 333 мың қарыз алушымен толыққан. Осыншама адам 2021 жылы алғаш рет несиеге жүгінген және бұрын-соңды несие тарихы болмаған. Олар жалпы сомасы 118,5 млрд теңге көлемінде алғашқы несие рәсімдеген.