Конордың тез берілгені көңіл-күйімді түсірді
<p style="text-align: justify;">Жеңіл салмақ дәрежесіндегі UFC-дің бұрынғы чемпионы Хабиб Нурмагомедов аралас жекпе-жек әлеміндегі жекпе-жектердің маңыздылығы туралы пікірімен бөлісті, деп хабарлайды <a href="/" target="_blank" rel="noopener noreferrer">Egemen.kz</a> championat.com-ға сілтеме жасап.</p>
«Аралас жекпе-жек әлемінде оңай шайқас болмайды. Әрбір кездесудің маңызы зор. Жанкүйерлер Конор Макгрегормен өткен кездесуім туралы әр түрлі пікір айтатыны мәлім. Мен ол кезде октагонға соғысқа шыққандай кіргенім рас. Дәл қазір олай етпес пе едім, кім білсін?! Қысқасы ұрыс алаңына шыққанымда Конордың оңай беріле салғаны көңіл-күйімді түсірді. Өйткені мен бұл кездесуге барынша тыңғылықты дайындалдым. Одан кейінгі жағдай қалай өрбігені есімде жоқ. Менің бойымды дәл сол сәтте эмоция билеп алған болатын», деді ол.