Талдықорғанда ерлі-зайыпты екі баласымен бірге өлі табылды
<p style="text-align: justify;">Алматы облысында ерлі-зайыпты екі баласымен бірге өлі табылды, деп хабарлайды <a href="/" target="_blank" rel="noopener noreferrer">Egemen.kz</a>.</p>
Алматы облыстық Төтенше жағдайлар департаментінің ақпаратына сәйкес, бір отбасы мүшелерінің денелері 2 ақпан күні Талдықорған қаласы Еңбек ауылында табылды.
«Бір отбасынан 4 адамның денесін жергілікті тұрғындар жеке үйдің ауласында орналасқан уақытша тұруға арналған үйшіктен тапқан. Екі ересек адам – 1998 жылы туған күйеуі мен әйелі, сондай-ақ 2018 және 2021 жылдары туған балалары мерт болды», деп мәлім етті ведомстводан.
Алдын ала мәлімет бойынша, отбасының барлық мүшесі 2-3 күн бұрын көз жұмған.
«Өлім себебі анықталуда. Сот-медициналық сараптама тағайындалды», деді облыстық ТЖД-дан.