Аяқ киімді таңбалау кодтары енгізілді
<p style="text-align: justify;">2022 жылдың 1 ақпаннан бастап Қа­зақстан Ресейдегі аяқ киімді таң­балау кодтарын өзара тани бас­тайды.</p>
2022 жылғы 1 ақпаннан бастап күшіне енетін Қазақстан Республикасы мен Ресей Федерациясы арасында таңбалау кодтарын өзара танудың уақытша сұлбасы іске асырылды. Бұл ресейлік аяқ киімнің қазақстандық импорттаушылары Ресейде таңбаланған өнімді сатып ала алады және бұл ретте оны Қазақстанға әкелу алдында қайта таңбалай алады дегенді білдіреді. Осыған ұқсас сұлба Қазақстаннан Ресейге жеткізілетін аяқ киімге де қолданылатын болады.
2022 жылғы сәуірден бастап Қазақстан, Ресей және Беларусь аяқ киім тауарларын таңбалау кодтарын өзара тануға қол жеткізу жоспарланып отыр. Нарыққа ыңғайлы болу үшін тараптар Қазақстан мен Ресей арасында таңбалау кодтарын танудың уақытша сұлбасы туралы келісімге қол жеткізді, таңбалау операторлары деректер алмасуды жолға қою бойынша үнемі жұмыс жүргізуде. Толық нұсқаулық markirovka.kz сайтында орналасқан.
Естеріңізге сала кетейік, Қазақстанда аяқ киім тауарларын міндетті цифрлы таңбалау және бақылау 2021 жылдың 1 қарашасынан бастап енгізілді. Ресейде аяқ киім міндетті түрде 2020 жылдың 1 шілдесінен бастап, ал Беларуссияда 2021 жылдың 1 қарашасынан бастап белгіленеді.
Тауарларды цифрлы таңбалау мәселелері бойынша кеңестер үшін тәулік бойы тегін «жедел желі» жұмыс істейді – 8 800 080 65 65.