Тунистен табысты оралды
<p class="2018-" style="text-align: justify;">Тунистің Радес қаласында үстел тен­нисінен жасөспірімдер арасындағы WTT санатына жататын халықаралық турнир өтті.</p>
Осы жарыста қазақстандық Алан Құрманғалиев те өнер көрсетті. 15 жастағы жерлесіміз бұған дейін де бірқатар халықаралық турнирде жүлде алып, ересектер арасында ел чемпионы атанғанын жақсы білеміз. Бұл жолы ол словакиялық Павол Кокавец (Словакия), тунистік Чади Хсайри, норвегиялық Хай Лам, португалиялық Тиаго Абиодун және чехиялық Яндриш Моравик сынды шеберлерді ұтып, ақтық сында Словакияның сайыпқыраны Самуэль Арпасқа есе жіберді. Нәтижесінде, қандасымыз күміс медальды мойнына ілді.
Сондай-ақ Алан Құрманғалиев жергілікті үстел теннисшісі Айдли Юсеффпен жұптық сайыста да табысты өнер көрсетіп, қола медальды қоржынына салды.