Польшада омикронның жаңа түрлері анықталды
<p style="text-align: justify;">Польшада омикрон штамының екі жаңа түрі анықталды, деп хабарлайды <a href="/" target="_blank" rel="noopener noreferrer">Egemen.kz</a> Polskie Radio 24 басылымына сілтеме жасап.</p>
Бұл туралы елдің денсаулық сақтау министрінің орынбасары Вальдемар Краска мәлімдеді.
«Коронавирус күнделікті өмірімізден оңай кетпейді. Менің ойымша, белгілі бір әдеттер, біз үйреніп қалған ережелер, арақашықтық, дезинфекция, маска бізбен мәңгілік болмаса да біраз уақыт бірге болуы керек», деді Краска.
Сонымен қатар министр Польшада анықталған барлық коронавирус жұқтыру дерегінің 96 пайыз омикрон штамы екенін айтты.
Польшада пандемия басталғаннан бері 5,4 миллионнан аса адам коронавирус жұқтырған, 108 мыңнан аса науқас қайтыс болды.