Жайықтың жабайы мысығы
<p style="text-align: justify;">Күні-түні дала кезген жабайы мысықты көріп пе едіңіз? Дәл осын­дай мысық Атыраудағы «Ақ Жайық» мемлекеттік таби­ғи ре­зерватында бар екен. Бірақ оның саны белгісіз.</p>
Облыстық орман шаруашылығы және жануарлар дүниесі аумақтық инспекциясының бас маманы Нұрлан Иманғалиевтің айтуынша, жақында жабайы дала мысығы шаруа қожалығының аумағында тұзаққа түскен.
– Дала мысығы Атырау қаласының маңындағы шаруа қожалығының ауласында ұсақ жандықтар мен үй құстарын талаған. Жабайы аң азық іздеп келген болуы мүмкін. Сол кезде тұзаққа түсіп қалған. Шаруа қожалығының жетекшісі тұзақтағы мысыққа қарсы тосын әрекетке бармай, еріктілерге жүгінген. Еріктілер бұл жөнінде облыстық аумақтық орман шаруашылығы және жануарлар дүниесі инспекциясына хабарлады. Инспекция инспекторлары еріктілермен бірге жабайы мысықты «Ақ Жайық» мемлекеттік табиғи резерватының аумағына әкеліп, табиғи мекендеу ортасына жіберді, – дейді Нұрлан Иманғалиев.
Атырау облысы