Қалдықтар арқылы қалыпты өмірге оралуда
<p style="text-align: justify;">Нұр-Сұлтан қаласының қоршаған ортаны қорғау және табиғатты пайдалану басқармасы 2020 жылы «Kazecotech ғылыми-техникалық кәсіпорны» ЖШС-мен қауіпті қалдықтарды басқару бойынша мемлекет-жекешелік әріптестік шартын жасасты. Нәтижесінде, қайта өңделген материалдар протездік-ортопедиялық бұйымдарды дайындау кезінде пайдаланылатын болады.</p>
Басқарманың ұсынымы негізінде іске қосылған МЖӘ аясында модульдік цех салынды. Бұл Нұр-Сұлтанда протездік-ортопедиялық көмек көрсету орталығын құрудың алғашқы қадамы болып саналады. Сондықтан елордада тұратын мүгедек жандар Қазақстанның басқа өңірлеріне бармай-ақ толық қызмет түрін ала алады.
Технологиялық процесте арматуралайтын материал және т.б. сияқты қалдықтарды қайта өңдеу кезінде алынатын бағалы материалдық ресурстар пайдаланылады.
Нұр-Сұлтан қаласы әкімдігінің қолдауымен жекеменшік әріптестер оңалтудың техникалық құралдары және протездік-ортопедиялық бұйымдар саласындағы әлемдік көшбасшы – Ottobock (Германия) неміс концернімен келіссөздер жүргізді. Өз кезегінде олар елордалық жобаны қолдап қана қоймай, оны жүзеге асыруға белсенді қатысуда. Нәтижесі ұзаққа созылмады: алғашқы пациенттер аяғынан тік тұрып, қалыпты өмірге қайта келді. Енді Ottobock протездері бойынша көмек көрсету Қазақстан астанасында да болады. Бұл ретте жоба бұйымдарды өндіру кезінде қайта өңделген шикізатты пайдалану арқылы қала экологиясын жақсартуға үлкен үлес қосады.