Плей-офф кезеңі басталады
<p style="text-align: justify;">Бүгін Құрлықтық хоккей лигасы (ҚХЛ) аясындағы Гагарин кубогының плей-офф бәсекелері басталады. Алғашқы іріктеу кезеңінде елорданың «Барысы» Магнитогорскінің «Металлург» клубымен ойнайды.</p>
Алғашқы ойын бүгін Магнитогорскідегі «Металлург Арена» мұзайдынында өтеді. Елордалық команда плей-офф кезеңіне дайындық барысында үш жолдастық кездесу өткізіп, соның екеуінде жеңіске жетті. Алғаш Мәскеудің «Спартагын» 7:2 есебімен қапы қалдырса, кейінгі ойында Мәскеудің тағы бір командасы – «Динамодан» буллит сериясында басым түсті. «Барыс» ойыншылары араға бір күн салып дәл осы «Динамо» хоккейшілерімен қайта кездесті. Өкінішке қарай, бұл жолы мәскеулік команда жеңіске жетті – 6:3.
Айта кетейік, «Барыс» пен «Металлург» ҚХЛ-дың биылғы маусымында төрт мәрте кездесіп, екеуі де екі реттен жеңіске жеткен еді.