Арменияда жаңа президент сайланды

<p style="text-align: justify;">Армения парламенті жоғары технологиялық өнеркәсіп министрі Ваагн Хачатурянды президент етіп сайлады. Бұл туралы заң шығарушы органның есеп комиссиясының басшысы Нарек Бабаян мәлімдеді, деп хабарлайды <a href="/" target="_blank" rel="noopener noreferrer">Egemen.kz</a> РИА Новости-ға сілтеме жасап.</p>

Ваагн Хачатурян президенттікке жалғыз үміткер болған. Хачатурянның кандидатурасын билеуші «Азаматтық келісім» («Гражданский договор») партиясы ұсынды. Бірінші турда оған тек 69 депутат дауыс берді.

«Армения» және «Честь имею» оппозициялық фракциялары сайлауға бойкот жариялады.

Арменияның экс-президенті Армен Саркисян 23 қаңтарда отставкаға кететінін мәлімдеген болатын. Негізгі себеп ретінде ол мемлекет басшысына сыртқы және ішкі саясаттың түбегейлі процестеріне әсер етуге мүмкіндік бермейтін тиісті өкілеттіктердің жоқтығын атап өтті.