Елу тоғыз депутат сайланды

Кеше Орталық сайлау комиссиясының баспасөз хатшысы Венера Жексембекова 2014 жылғы 30 наурызда өткен мәслихаттардың шығып қалған депутаттарының орнына сайлау қорытындылары туралы брифинг өткізді. Оның хабардар етуінше, «Қазақстан Республикасындағы сайлау туралы» Конституция­лық заңның 101-бабы 4-тармағына сәйкес, 30 наурыз­да респуб­ли­каның 14 өңірі бойынша 59 сайлау округінде мәслихаттардың шығып қалған депутаттарының орнына сайлау өткен. Сайлауда Астана қаласы мәслихатының 1 депутаты, 7 облыстық депутат, 12 қалалық және 39 аудандық мәслихаттар депутаттары сайланған. Сайлау науқаны барысында 188 кандидат ұсынылды, олардың 61-ін саяси партиялар, екеуін қоғамдық бірлестіктер ұсынды және 125-і өзін өзі ұсынғандар. Округтік сайлау комиссиялары мәслихат депутаттығына кан­дидат ретінде 170 адамды тіркеді. Орташа бәсекелестік бір де­путаттық мандатқа үш үміткерден келді. Жалпы, республика бойынша сайлау бюллетеньдеріне 145 кандидаттың тегі енгізілді. Сайлау науқаны кезінде ау­мақ­тық және округтік сайлау ко­миссияларына тікелей тәжіри­белік ұйымдастырушылық және әдістемелік көмек көрсету мақ­сатында Ортсайлауком мүше­лері елдің бірқатар өңірлеріне ба­рып қайтты. Олардың аумақ­тық және округтік сайлау ко­мис­сияларының мүшелерімен кездесуі барысында сайлау заң­намасының нормаларын сақ­тауды қамтамасыз ету мәселелері, сондай-ақ, аталған сайлау нау­қанын ұйымдастыру мен өткізуге байланысты басқа да мәселелер талқыланды. – Алдағы науқан жөнінде сайлаушыларды ақпараттандыру деңгейін арттыру мақсатында Ортсайлауком сайлау науқанын ақпараттық сүйемелдеу медиа-жоспарын әзірлеп, жүзеге асырды. Сайлау науқанында «Егемен Қазақстан», «Казахстанская прав­да» газеттерінде материалдар жарияланды. Сондай-ақ, «Ха­бар» және «Қазақстан» телеар­наларында ақпараттық шыға­рылымдар шеңберінде республика өңірлерінде сайлауға дайындық барысы туралы сюжеттер мерзімді түрде көрсетіліп тұрды, – деді В.Жексембекова. ОСК баспасөз хатшысының айтуынша, сайлау күні 392 сайлау учаскесінде дауыс беру өткен. Сайлаушылардың келуі, алғашқы мәліметтерге сәйкес, 74,4%-ды құрапты. Дауыс беру және дауыс­тарды санау рәсімі барысын байқауды 686 кандидаттардың сенім білдірілген адамдары, сая­си партиялардың, қоғамдық бірлестіктердің және БАҚ өкілдері жүзеге асырған. Сайланған депутаттардың 44-і (74,6%) ер адам, 15-і (25,4%) әйел адам. Ал 57 депутат саяси партиялардың мүшесі, біреуі партияда жоқ, тағы біреуі партияға мүшелігін көрсетпеген. Сайланған депутаттардың орташа жасы – 45. Олардың 56-сының (94,9%) жоғары, біреуінің (1,7%) арнаулы орта және екеуінің (3,4%) орта білімдері бар. Депутаттардың 39%-ы мемлекеттік мекемелерде, ұйымдарда және кәсіпорындарда, 34%-ы коммерциялық құры­лы­м­дарда қызмет істейді. – Жалпы сайлау науқаны сайлау заңнамасының талаптарына сәйкес өтті. Ортсайлаукомға 8 өтініш келіп түсті. Олар сайлау заңнамасының нормаларын түсіндіру жөнінде немесе кейбір кандидаттар мен сайлау комиссияларының іс-әрекеттерін құқықтық бағалау туралы өті­ніштерді қамтыған. Барлық өті­ніштер мезгілінде қаралып, олар бойынша тиісті жауаптар мен тү­сін­дірмелер берілді, – деді В.Жек­сембекова. Әлисұлтан ҚҰЛАНБАЙ, «Егемен Қазақстан».