10 наурызға арналған ауа райы болжамы
<p style="text-align: justify;">«Қазгидромет» мамандары 10 наурыз, бейсенбі күні ауа райы қандай болатынын айтты, деп хабарлайды <a href="/" target="_blank" rel="noopener noreferrer">Egemen.kz</a>.</p>
Атмосфералық фронттардың әсерінен Қазақстанның солтүстігінде, шығысында, орталығында қар жауады, елдің батысында және оңтүстігінде қар мен жаңбыр қабат жауады. Республика бойынша кей жерлерде тұман түсіп, жел күшейеді, батыста - көктайғақ, оңтүстікте - найзағай жарқылдайды.
Жамбыл облысының солтүстігінде, таулы аудандарында тұман түседі, облыстың оңтүстік-батысында, солтүстік-батысында жел екпіні - 15-23 м/с.
Түркістан облысының таулы аудандарында найзағай ойнайды, жел екпіні 17-22 м/с дейін күшейеді.
Алматы облысының шығысында желдің жылдамдығы - 15-20, түнде - 23 м/с жетеді, түнде және таңертең облыстың оңтүстігінде, орталығында тұман болады.
Ақмола облысының оңтүстігінде, батысында - тұман, күндіз облыстың оңтүстік-шығысында секундына 15-20 метр жылдамдықпен күшті жел соғады.
Батыс Қазақстан облысының солтүстігінде, оңтүстік-батысында тұман түсіп, көктайғақ болады. Күндіз жел екпіні - 15-20 м/с.
Атырау облысының солтүстігінде тұман түседі, көктайғақ болады. Облыстың шығысында жел жылдамдығы 15-20 м/с жетеді.
Маңғыстау облысының оңтүстігінде, солтүстігінде желдің күші - 15-20 м/с. Түнде және таңертең батыста тұман болады.
Күндіз Ақтөбе облысының оңтүстік-батысында, орталығында жел қарқыны 15-20 м/с дейін күшейеді.
Қостанай, Солтүстік Қазақстан облыстарының оңтүстігінде, Шығыс Қазақстан облысының солтүстігінде, шығысында тұман түседі.