Назым сөздің ширатқан шын жібегін
<p style="text-align: justify;">Қармақшы аудандық мәдениет және тілдерді дамыту бөлімінің К.Рүстембеков атындағы Жыраулар үйі Сыр сүлейі Тұрмағамбет Ізтілеуовтің туғанына 140 жыл толуына орай жырау шығармаларын насихаттау мақсатында «Тұрмағамбет жырлары – жаңа ғасыр көгінде» атты аудандық көркемсөз оқу шеберлерінің байқауын ұйымдастырды.</p>
Байқауға Жосалы кенті мен елді мекендердегі мектептерден 30 талапкер қатысты. Аудандық мәдениет және тілдерді дамыту бөлімінің басшысы Дәурен Ержанов назым сөздің шын жібегін ширатқан шайыр атындағы байқауға қатысушыларға сәттілік тіледі.
Қазылар шешімімен кіші топ бойынша бас жүлдені Айдана Ұланбек алды. Үлкен топтағы бас жүлде Маржан Берікболға бұйырды. Қалған орын иелері мен қатысушылар арнайы алғыс хаттар және сыйлықтармен марапатталды.
Жыл басынан өңірде Тұрмағамбет Ізтілеуовтің туғанына 140 жыл толуына орай мәдени шаралар легі басталды. Жақында ғана облыстық филармонияда дәстүрлі орындаушылардың «Тұғыры биік – Тұрмағамбет» атты концерті өтті.
Ұлттық руханиятты Шығыстың сарқылмас мол мұрасымен байытқан шайыр атындағы республикалық деңгейде шаралар ұйымдастыру да жоспарлануда.
Қызылорда