Тұрақтандыру қорында 1 259 тонна өнім бар
<p style="text-align: justify;">Қызылорда тұрақтандыру қорында құны 253,3 млн теңге болатын 1 259 тонна азық-түлік бар. Бұдан бөлек, 4 328,1 тонна ұн, 272 тонна қа­ра­құ­мық жармасы, 500 тонна күнбағыс майы мен 6 тоннаға жуық сүт жет­кізілуде.</p>
«Айналым схемасы» бойынша 22 келісімшарт негізінде кәсіпкерлік субъектілеріне 1 163 млн теңге займ берілді. Осы арқылы 19 түрлі әлеуметтік маңызы бар азық-түлік пен тұрақтандыру қорындағы өнімдер Қызылорда қаласында орналасқан 36 әлеуметтік дүкенде және қосымша 14 ірі супермаркеттегі әлеуметтік бұрыштарда нарықтан төмен бағада сатылуда. Мұнан бөлек өңірді әлеуметтік нанмен қамтамасыз ету мақсатында «Азық-түлік келісімшарт корпорациясы» ҰК» АҚ, Ауыл шаруашылығы министрлігі және облыс әкімдігі арасында арзандатылған бидай алу үшін меморандумға қол қойылып, ақпан айынан бері ұн өндіруші кәсіпорындарға 1 949,6 тонна астық тасымалданды.
Өңірде 334,2 тоннаға жуық қант қоры бар. Тұрақтандыру қорындағы қант әлеуметтік дүкендерде және ірі сауда орындарының әлеуметтік бұрыштарында 263 теңгеден сатылуда. Мұнан бөлек, тұрақтандыру қорының сауда әріптестерімен 125 тонна қантпен қамтамасыз ету жөнінде келісімдері бар. Сондай-ақ қосымша тағы 136 тонна сатып алу бойынша жұмыстар жүргізілуде. Жыл соңына дейін «Азық-түлік келісімшарт корпорациясы» ҰК» АҚ арқылы 3 314,8 тонна қант жеткізу көзделіп отыр.
Қызылорда облысы