Бірнеше өңірде ауа райы күрт өзгеруі мүмкін
<p style="text-align: justify;">Қазгидромет 26 наурызда бірнеше өңірде ауа райына байланысты ескерту жариялады, деп хабарлайды <a href="/" target="_blank" rel="noopener noreferrer">Egemen.kz</a>.</p>
Таңертең және күндіз Түркістан облысының тауларында қатты жауын-шашын болуы ықтимал. Күндіз таулы және тау бөктерлі аудандарда найзағай күтіледі. Оңтүстік-батыстан жел соғады, облыстың солтүстігінде, батысында, таулы және тау бөктерлі аудандарда 15-20, күндіз облыстың солтүстігінде және таулы аудандарда екпіні 25 м/с.
Шымкент қаласында найзағай күтіледі. Оңтүстік-батыстан жел соғады, екпіні 15-20 м/с.
Ақмола облысының солтүстігінде, оңтүстік-шығысында жаяу бұрқасын күтіледі. Облыстың батысында, оңтүстігінде тұман күтіледі. Оңтүстік-батыстан соққан жел солтүстік-шығысқа ауысады, облыстың солтүстігінде, оңтүстік-шығысында екпіні 15-20 м/с болуы мүмкін. Көкшетау қаласында 26 наурызда оңтүстік-батыстан соққан жел солтүстік-шығысқа ауысады, түнде екпіні 15 м/с күтіледі.
Ақтөбе облысының оңтүстігінде, оңтүстік-шығысында көктайғақ күтіледі. Солтүстіктен, солтүстік-шығыстан жел соғады, облыстың солтүстігінде, оңтүстігінде екпіні 15 м/с жетуі ықтимал.
Нұр-Сұлтан қаласында 26 наурызда түнде және таңертең тұман күтіледі. Оңтүстік-батыстан соғатын жел солтүстік-шығысқа ауысады, күндіз екпіні 15-20 м/с.
Маңғыстау облысында жауын-шашын, түнде облыстың, солтүстігінде, батысында кей уақыттарда қатты жауын-шашынға (жаңбыр, қар) ұласуы мүмкін. Түнде және таңертең облыстың солтүстігінде көктайғақ, облыстың батысында, оңтүстігінде тұман күтіледі.
26 наурызда түнде Павлодар облысының солтүстігінде жаяу бұрқасын, батысында тұман түсуі мүмкін. Оңтүстік-батыстан соққан жел солтүстік-шығысқа ауысады, түнде облыстың солтүстігінде екпіні -18 м/с.
Қарағанды облысының оңтүстігінде тұман, көктайғақ күтіледі. Солтүстік-шығыстан оңтүстік-батысқа жел ауысады, облыстың оңтүстігінде екпіні 15-20 м/с күтіледі.
Қостанай облысының оңтүстігінде тұман, көктайғақ, жаяу бұрқасын күтіледі. Солтүстіктен, солтүстік-шығыстан жел соғады, облыстың оңтүстігінде екпіні 15-20 м/с.
26 наурызда Қызылорда облысының солтүстігінде тұман, түнде көктайғақ күтіледі. Жел оңтүстік-батыстан соғады, түнде облыстың солтүстігінде, орталығында, күндіз орталығында, оңтүстігінде күші 15-20 м/с жетуі ықтимал.
Батыс Қазақстан облысының солтүстігінде тұман күтіледі.
Солтүстік Қазақстан облысының солтүстігінде, шығысында жаяу бұрқасын күтіледі. Солтүстіктен, солтүстік-шығыстан жел соғады, ал түнде облыстың солтүстігінде, шығысында, күндіз оңтүстігінде екпіні 15-20 м/с жетеді.