27 наурызға арналған ауа райы болжамы
<p style="text-align: justify;">Синоптиктер жексенбі, яғни 27 наурызға арналған ауа райы болжамын жариялады, деп хабарлайды <a href="/" target="_blank" rel="noopener noreferrer">Egemen.kz</a>.</p>
Ақмола облысының оңтүстігінде тұман, көктайғақ болады, түнде және таңертең облыстың батысында, оңтүстігінде және шығысында жаяу бұрқасын соғады, жел 15-20 м/с дейін күшейеді.
Алматы облысының таулы аудандарында тұман түседі, облыстың оңтүстігімен шығысында жел 15-20, екпіні 25 м/с жетеді.
Түркістан облысының солтүстігінде, батысында және таулы аудандарында жел 15-20, таулы асуларда екпіні 25 м/с дейін күшейеді.
Батыс Казақстан облысының солтүстігі мен шығысында тұман, күндіз көктайғақ болады, жел 15-20 м/с соғады.
Атырау облысының басым бөлігінде жел 15-20, екпіні 23-28 м/с соғады, түнде облысың шығысында тұман түседі.
Маңғыстау облысының батысы мен солтүстігінде тұман түседі.
Ақтөбе облысының орталығында, солтүстік-батысында, оңтүстік-шығысында тұман түседі, облыстың батысында, солтүстік-батысында, оңтүстік-шығысында жел 15-20 м/с соғады.
Қостанай облысының оңтүстігінде, батысында жаяу бұрқасын,солтүстігінде тұман, көктайғақ болып, күндіз оңтүстігі мен батысында жел 15-20 м/с жетеді.
Түнде Павлодар облысының оңтүстігінде тұман, көктайғақ болады.
Қарағанды облысының солтүстігінде, шығысында тұман, солтүстігінде, оңтүстігінде орталығында жаяу бұрқасын, көктайғақ болып, оңтүстігі мен орталығында жел 15-20, екпіні 23 м/с соғады.
Шығыс Қазақстан облысының батысы ме солтүстік-шығысында жаяу бұрқасын, жолдарда көктайғақ күтіледі, облыстың батысында, оңтүстік-батысында және орталығында жел 15-20, күндіз екпіні 23 м/с соғады.
Қызылорда облысының орталығы мен оңтүстігінде жел 15-20 м/с, түнде және таңертең солтүстігі мен орталығында тұман, көктайғақ болады.
Жамбыл облысының оңтүстік-батысында, солтүстік-шығысында және таулы аудандарда жел 15-20, екпіні 23-28 м/с соғады, күндіз облыстың солтүстік-шығысы мен таулы аудандарында тұман, көктайғақ болады.