Елордада жылыту маусымы қашан аяқталады?
<p style="text-align: justify;">Елордада жылу беру маусымы ауа температурасы +10 С-ға жеткенде аяқталады. Сондай-ақ ол туралы тұрғындарға алдын ала ескертіледі, деп хабарлайды <a href="/" target="_blank" rel="noopener noreferrer">Egemen.kz</a>.</p>
«Нұр-Сұлтан қаласында жылу маусымына дайындық және жыл беру туралы ереженің 42-тармағына сәйкес ауа температурасы +10 С және одан жоғары болған кезде күнтізбелік бес күн ішінде Нұр-Сұлтан қаласының жергілікті атқарушы органдары жылу маусымын тоқтату туралы шешім қабылдайды», деп жауап берді қалалық әкімдіктің баспасөз қызметі.
Сондай-ақ ресми хабарламада жауапты мекемелер жылыту маусымының аяқталуы туралы алдын ала 3 күн бұрын БАҚ арқылы жариялайтыны айтылған.
Айта кетсек, елордада жылу электр орталығы қызметкерлерінің жалақысы 20%-ға артты. Ол туралы қала әкімі Алтай Көлгінов мәлім еткен еді.