Генерал-майор Қайдар Қарақұлов изолятордан босатылды
<p style="text-align: justify;">19 сәуірде ұсталған генерал-майор Қайдар Қарақұлов изолятордан босатылды, деп хабарлайды <a href="/" target="_blank" rel="noopener noreferrer">Egemen.kz</a> ҚР ІІМ Тергеу департаментінің әскери-тергеу басқармасына сілтеме жасап.</p>
«Күзетпен ұстау түріндегі бұлтартпау шарасының қажеттілігінің болмауына байланысты Қ.Қарақұловты Бас прокурордың көмекшісі УҰИ-дан босатты», деді ҚР ІІМ Тергеу департаментінің әскери-тергеу басқармасы.
Еске сала кетейік, 2021 жылы 26-тамызда Жамбыл облысы Байзақ ауданы Саракемір кентіндегі өрт пен жарылыс фактісі бойынша қылмыстық іс шеңберінде ҚР Қылмыстық кодексінің 453-бабы («немқұрайлылық») бойынша күдікті деп танылып, «Оңтүстік» өңірлік қолбасшылығы әскерлерінің бұрынғы қолбасшысы Қ.Қарақұлов УҰИ-ға қамауға алынған болатын.
Сотқа дейінгі тергеу жұмыстары жалғасып жатыр.
Аяна Тоғанбек