Бүгін еліміздің бірнеше облысында жел тұрады
<p style="text-align: justify;">30 сәуірде еліміздің бірнеше облысында жел тұрады деп хабарлайды <a href="/" target="_blank" rel="noopener noreferrer">Egemen.kz</a> Қазгидрометке сілтеме жасап. </p> <p> </p>
"Қазгидромет" РМК мәліметінше, 30 сәуірде республиканың басым аумағында атмосфералық фронталды бөліктердің өтуімен құбылмалы ауа райы күтіледі: найзағай, дауыл, жаңбыр болады. Елдің шығысында ғана жауын-шашынсыз ауа райы сақталады. Барлық өңірде екпінді жел тұрады.
Алматы облысының Алакөл көлдері ауданында және өңірдің оңтүстігінде желдің екпіні 24-29 м/с күшейеді.
Түркістан облысының таулы аудандарында жел 15-20 м/с күшейеді.
Жамбыл облысының таулы аудандарында, өңірдің оңтүстік-батысында, солтүстік-шығысында, күндіз дауыл тұрады. Оңтүстік-батысында, солтүстік-шығысында, таулы аудандарда жел 15-20 м/с артады.
Күндіз Ақмола облысының солтүстік-шығысында желдің күші 15-20 м/с жетеді.
Шығыс Қазақстан облысының оңтүстігінде, шығысында, орталығында желдің күші 23 м/с артады.
Атырау облысының шығысында оңтүстігінде, орталығында желдің жылдамдығы 15-20 м/с күшейеді.
Қостанай облысының солтүстігінде, шығысында, Солтүстік Қазақстан облысының солтүстік-шығысында, күндіз Маңғыстау облысының солтүстігінде, шығысында 15-20 м/с жел тұрады.
Сондай-ақ Батыс Қазақстан облысының оңтүстігінде, Ақтөбе облысының солтүстігінде, орталығында, Павлодар облысының орталығында төтенше өрт қаупі сақталады.