Әлихан Смайылов: Бұл күн – ырысты ынтымағымыздың мерекесі
<p style="text-align: justify;">Премьер-министр Әлихан Смайылов 1 мамыр – Қазақстан халқының бірлігі күнімен құттықтады деп хабарлайды <a href="/" target="_blank" rel="noopener noreferrer">Egemen.kz</a></p> <p style="text-align: justify;"> </p>
Қымбатты отандастар!
Сіздерді Қазақстан халқының бірлігі күнімен құттықтаймын!
Бұл күн баға жетпес байлығымыз — тыныштық пен береке-бірліктің, ырысты ынтымағымыздың мерекесі.
Татулық пен тұрақтылық — мызғымас Тәуелсіздігіміздің негізгі қағидасы.
Қоғамда келісім, жасампаз еңбек және өзара құрмет болған кезде кез-келген қиындықты еңсеруге болады.
Біздің жетістіктеріміз ынтымағы жарасқан ұлттар мен ұлыстардың өзара достығы мен береке-бірлігінің арқасында мүмкін болды.
Баршаңызға зор денсаулық, еңбектеріңізге табыс, әр шаңыраққа шаттық пен бақ-береке тілеймін!