Төртінші орында қалып қойды
<p class="2018-" style="text-align: justify;">Иранның бас шаһары – Тегеранда волейболдан ерлер арасындағы Азияның клубтық чемпионаты аяқталды. Өкі­нішке қарай, бұл жарыста «Тараз» же­ңіс тұғырына көтеріле алмады.</p>
Топтық турнирде жерлестеріміз Қатардың «Әл-Райяны» (3:2) мен Ирактың «Соут Гас Клаб» (3:0) клубтарын ұтқанымен, Иранның «М.Шахбад Йездіне» (1:3) есе жіберді. Десек те жинаған ұпай қоры плей-оффқа шығу үшін жеткілікті болды. Ширек финалда «Тараз» Таиландтың «Накхонратчасимасынан» (3:1) басым түсті. Жартылай финалда «Пайкан Тегеранмен» күш сынасты. Қанша тырысса да аталған додада жеті рет дара шыққан командаға әлі жетпеді. Бұл ойында 1:3 есебімен жеңілістің кермек дәмін татты. Ал қола медаль үшін тартыста «М.Шахбад Йездбен» қайта жолықты. Бұл жолы да Парсы елінің волейболшылары біздің жігіттерді сан соқтырды – 3:0.
Сөйтіп, «Тараз» Азияның клубтық чемпионатында төртінші орынға тұрақтады. Ал бас жүлде «Пайкан Тегеранға» бұйырды. Шешуші сайыста алаң иелері Жапонияның «Санториінен» айласын асырды.