Қорытынды – екі жүлде
<p class="2018-">АҚШ-тың Юджин қаласында ұйым­дастырылған жеңіл атлетикадан «Гауһар лигасының» үшінші кезеңі мәре­сіне жетті. Жарты ғасырға жуық тарихы бар Prefontaine Classic бәсе­кесінде Қазақстан құрамасы бір алтын, бір қола медаль жеңіп алды.</p>
Бұған дейін жазғанымыздай, жарыстың алғашқы күнінде биіктікке секіру бәсекесінде Надежда Дубовицкая 1,93 метр нәтижесімен қола жүлде иеленген болса, екінші жарыс күнінде үш шақырымға кедергілер арқылы жүгіруде қазақстандық Altai Athletics клубының спортшысы, шыққан тегі кениялық Нора Джеруто топ жарды. Ұлттық құрама көшбасшысының уақыт көрсеткіші – 8.57.97. Норадан кейін мәре сызығын бахрейндік Винфред Мутиле Яви мен эфиопиялық Мекидес Абебе Демевоз кесті.
Сондай-ақ бес шақырымдық жарыста Дейзи Джепкемей 7-ші (14.52.64), Каролина Кипкируи 8-орынға (15.05.68) жайғасты. Айта кетейік, «Гауһар лигасының» үшінші кезеңінде Қазақстан құрамасы сапында алғаш рет 4 атлетіміз өнер көрсетті.