Әлем кубогында жүлде алды
<p style="text-align: justify;">Бұл күндері Әзербайжанның астанасы Бакуде нысана көздеуден Әлем кубогы жарысы өтіп жатыр. Байрақты додада әлемнің 65 елінен келген 700-ден аса мерген спортшы өнер көрсетуде. Қазақстан құрамасы сапынан барған 40 спортшы жүлде «атып алуға» ниетті.</p>
Спортты дамыту дирекциясының мәліметі бойынша, жарыстың алғашқы күнінде 10 метрден пневматикалық мылтықпен нысана көздеу сыны өтті. Іріктеу кезеңінде қазақстандық Ислам Усейнов екінші орынға табан тіреп, финалға жолдама алды. Ал бас жүлде үшін өткен сайыста отандасымыз 260,5 ұпай жинап, әлем кубогының қола жүлдегері атанды. Бұл сында хорватиялық Миран Маричич топ жарса (261.8), сербиялық Лазар Ковачевич (260.9) күміс медальға ие болды.
Ал әйелдер арасындағы жарыста польшалық Клаудия Брес жеңіске жетсе, француз Камилле Эдржеевски күміс, болгариялық Антоанета Костадинова қола жүлде алды.