Елордада «TRANSCARD» көлік карталарының құны өзгереді
<p style="text-align: justify;">Нұр-Сұлтанда 15 маусымнан бастап «TRANSCARD» көлік карталарының құны өзгереді, деп хабарлады <a href="/" target="_blank" rel="noopener noreferrer">Egemen.kz</a> elorda.info.kz сайтына сілтеме жасап.</p>
«Құрметті жолаушылар! 2022 жылдың 15 маусымынан бастап «TRANSCARD» көлік карталарының құны өзгеретінін хабарлаймыз.
Дербестендірілген (жеңілдікті және мектептік) көлік карталарын бастапқы шығару құны ҚҚС-мен 800 теңгені, қайта шығару құны ҚҚС-мен 1500 теңгені құрайды.
Атаулы емес көлік карталарының құны ҚҚС-мен 800 теңге.
Картаны шығару құнының өзгеруіне жеткізушілерден көліктік картаны сатып алу бағасының көтерілуі және көлік карталарын сату операциялық шығындарының артуы себеп», делінген CTS компаниясының хабарламасында.