Жаңашылдықтың бастауы болсын
<p style="text-align: justify;">Тәуелсіз Қазақстан үшін бүгінгі күн тарихи тұрғыда зор маңызға ие екені даусыз. Осынау жауапты күнде жауап­кершілік жүгін сезініп, таңдауымызды жасап отырмыз.</p>
Мемлекетімізді демократиялық үрдістерге сай дамытудың бір жолы – референдум. Еліміздің Президенті Қасым-Жомарт Тоқаев сол үшін де конституциялық реформаны Парламент арқылы қабылдамай, халықтың талқысына салғанды жөн деп шешті. Бұл әлбетте құптарлық қадам. Жаңа Қазақстанды қалыптастыру бағытында қолға алынған саяси науқанға отандастарымыздың ағылып келіп жатқанын көрдім. Олардың барлығы да жаңа өзгерістердің болғанын қалайды. Дауыс беру процесі ашық түрде өтіп жатқанын аңғардым. Ең бастысы да сол.
Қай-қайсымыздың көкейімізде тәуелсіз Қазақстан азаматтары бақытты өмір сүрсе деген тілектің атойлап тұрғаны ақиқат. Сол тұрғыдан алып қарағанда, референдум жаңашылдықтың бастауы болса деген тілек бар. Егемен еліміз өркендей берсін!
Сәкен БИБОСЫНОВ,
Токио Олимпиадасының қола жүлдегері, әлем чемпионы