Олимпиадада топ жарды
<p style="text-align: justify;">Жаңаөзендік жас, болашақ дәрігер Асқар Ескендір Қырғызстан Республикасының Бішкек қаласында өткен «Шексіз медицина» және «Қалыпты топографиялық анатомия» атты халықаралық олимпиадада топ жарды. Олимпиадалық сайыс биыл 19-21 мамыр аралығында клиникалық анатомия және оперативті хирургия ғы­лым­дары бойынша өтіп, халықаралық олимпиадаға Қазақстан, Қырғызстан, Өзбекстан мемлекеттерінің жастары қатысқан.</p>
Жаңаөзендік Асқар Ескендір – Марат Оспанов атындағы Батыс Қазақстан медицина университетінің жалпы медицина факультетінің 3-курс студенті. Халықаралық ғылым бәйгелерінде Қазақстанның атын қорғап жүрген жаңаөзендік жас бұған дейін Б.Н.Ельцин атындағы Қырғыз-Ресей-Славян университетінде өткен «Шексіз медицина» Халықаралық олимпиадасынан «Үздік видеовизитка және команда презентациясы» конкурсы бойынша I орын, И.К.Ахунбаев атындағы Қырғыз ұлттық медицина академиясында өткен «Қалыпты және топографиялық анатомия» Халықаралық олимпиадасынан «Үздік видеовизитка және команда презентациясы» конкурсы бойынша
I орынды қанжығасына байлаған болатын.
Асқар сынды талантты жастардың жетістігі ел ертеңі үшін қуануға мүмкіндік береді.
Маңғыстау облысы