Польшада алғаш рет маймыл шешегі тіркелді

<p style="text-align: justify;">Польшада алғаш рет маймыл шешегі анықталды, деп хабарлайды <a href="/" target="_blank" rel="noopener noreferrer">Egemen.kz</a> euronews-қа сілтеме жасап.</p>

Польша денсаулық сақтау министрі Адам Недзельский елде Еуропада сирек кездесетін маймыл шешегі дертінің тіркелгенін айтты.

Адам Недзельский сөзіне қарағанда маймыл шешегіне қатысты шамамен 10-ға жуық жағдай тексеріліп жатыр.

Айта кетсек, бір ай бұрын Пирен түбегі мен Біріккен Королдікте анықталған сирек дерт Еуропаның 20-ға жуық еліне таралып үлгерді. Кәрі құрлық елдері ішінде Ұлыбритания (302 жағдай), Испания (198) және Португалияда (153 жағдай) жұқпалы ауру жылдам тарауда.