Ұлттар лигасы: Франция Хорватиядан жеңілді
<p style="text-align: justify;">Футболдан UEFA Ұлттар лигасының төртінші турының екінші ойын күні өтті, деп хабарлайды <a href="/" target="_blank" rel="noopener noreferrer">Egemen.kz</a>.</p>
Бұл күнгі негізгі кездесулер А лигасы бірінші тобында болды. Өз алаңында Франция Хорватияға 0:1 есебімен жол берсе, Дания Австрияны 2:0 есебімен тізе бүктірді.
Айта кетсек, Франция төрт ойында небәрі екі ұпай алды, турнир кестесінде көш соңында тұр.
Осылайша олар жанкүйер сенімінен шыға алмай келеді.
Сондай-ақ В лигасы екінші тобында Исландия мен Израиль 2:2 есебімен тең түсті. Ал С лигасы үшінші тобында сынға түсіп жатқан Қазақстан Словакияны 2:1 есебімен сүріндірсе, Әзербайжан Беларусьті 2:0 есебімен жеңді.
Енді 14 маусымда UEFA Ұлттар лигасының төртінші тур ойындары мәресіне жетеді. Одан кейінгі ойындар қыркүйек айында жалғасады.
Аяна Тоғанбек