Үздік мамандар марапатталды
<p style="text-align: justify;">Қонаев қаласында Алма­ты облысының әкімі Ма­рат Сұлтанғазиев меди­ци­на қызметкерлерін кәсі­би мерекесімен құт­тық­­тап, марапаттады. Салтанатты іс-шара­да аймақтағы үздік дәрігер­лер мен емдеу орын­да­ры анықталып, жеңім­паздарға қомақты ақша­лай сыйақы берілді.</p>
Биыл облыстағы «Үздік стационар үздік дәрігері» аталымы бойынша озып шыққан Алматы аймақтық балалар клиникалық ауруханасының дәрігері Рамиль Қарасаев облыс әкімінің қолынан арнайы диплом және 7 млн теңгенің сертификатын алды. Ал Іле орталық аудандық ауруханасының әлеуметтік қызметкері Жұлдыз Құлманова «Үздік әлеуметтік қызметкер» атанып, оған 1 млн теңгенің сертификаты берілді. Сондай-ақ осы Іле ауданындағы КазЦик ауылының дәрігерлік амбулаториясы «Үздік дәрігерлік амбулатория» ретінде анықталып, бөлімшенің меңгерушісі Толқын Садақбаеваға арнайы диплом және 1 млн 800 мың теңгенін сертификаты тапсырылды.
Жиында аймақтағы ақ желеңді абзал жандардың тағы бір тобына Денсаулық сақтау министрлігінің «Денсаулық сақтау ісіне қосқан үлесі үшін» төсбелгісі, «Еңбек ардагері» медалі, Алматы облысы әкімінің Құрмет грамотасы, Алғыс хаты беріліп, құрмет көрсетілді.
– Адам жанына арашашы болудың жауапкершілігі мен маңызын қоғам әрқашан жоғары бағалайды. Дәрігерге деген құрмет ешқашан ортаймайды. Медицина қызметкерлерінің пандемия кезіндегі ерлікке бергісіз еңбегіне бас иеміз. Сондықтан да, кәсіби мереке қарсаңында медицина қызметкерлерін құттықтап, үздік дәрігерлерге арнайы марапат тапсыруды парызымыз деп білеміз. Мемлекет өз тарапынан медицина саласын қолдаудың озық үлгісін көрсетіп келеді. Бұл ретте Алматы облысында да айтарлықтай жұмыс істелуде, – деді жиында облыс әкімі Марат Сұлтанғазиев.
Алматы облысы