Әлемде COVID-19 жұқтыру дерегі күрт өсті
<p style="text-align: justify;">Өткен аптада әлемде 4,18 миллионнан астам адам коронавирус жұқтырды, 8,5 мың адам вирустың құрбаны болды, деп хабарлайды <a href="/" target="_blank" rel="noopener noreferrer">Egemen.kz</a>.</p>
ДДҰ кезекті есебінде әлемде инфекция жұқтыру және өлім жағдайларының саны 18%-ға артқанын мәлімдеді. Ұйымның апта сайынғы бюллетенінде «бір апта ішінде тіркелген аурудың жаңа жағдайларының саны өсті» делінген.
Алдыңғы аптамен салыстырғанда жұқтырғандар санының ең көп өсуі Шығыс Жерорта теңізінде (47%), Еуропада (33%) және Оңтүстік-Шығыс Азияда (32%) тіркелді. Сонымен қатар Африкада ауру айтарлықтай төмендеді (39%). Сонымен бірге Батыс Тынық мұхиты аймағында (6%), Еуропада (5%) және Африкада (1%) төмендеді.
Бір аптада індет жұқтырғандардың ең көп саны АҚШ-та (701 855), одан кейін Германия (504 655), Бразилия (349 791), Италия (340 012) және Қытайда (333 926) тіркелді.