Футболдан Қазақстан чемпионаты: «Ақтөбе» топ жарды
<p class="p1" style="text-align: justify;"><span class="s1">Футболдан Қазақстан чемпионатының 16-турында Қарағандының «Шахтері» өз алаңында «Ақтөбемен» сынасты, деп хабарлайды <a href="/" target="_blank" rel="noopener noreferrer">Egemen.kz</a>.</span></p>
Ақтөбеліктер мұның алдында қатарынан үш рет жеңіске жеткен еді. Соның ішінде ел чемпионы Қостанайдың «Тобылы» мен «Астананы» ұтты.
Айта кетсе, алаң иелері соңғы бес ойынның біреуінде ғана жеңіске жетті. Бұл - қазақстандық маман Вахид Масудовтың «Шахтердің» бас бапкері ретіндегі алғашқы матчы.
Бірінші таймда қарағандылық Тимур Досмағамбетов 12-минутта 11 метрлік айып добын мүлтіксіз орындады. 47-минутта Роман Муртазаев есепті 2:0-ге жеткізді.
Екінші таймда қонақтар басымдылық танытты. Т. Досмағамбетов өз алаңында қолмен ойнағаннан кейін Әлібек Қасым 54-минутта пенальтиден мүлт кеткен жоқ. Жерар Гоу 75-минутта таразы басын теңестірсе, 82-минутта «Ақтөбенің» сұрмергені Уго Видемонт жеңіс голын соғып кетті. Есеп - 3:2.
Осылайша, 26 ұпай жинаған Андрей Карповичтің шәкірттері турнир кестесінде бірінші орынға шықты.