Жыл басынан бері жол апатынан мыңға жуық адам қаза тапты
<p style="text-align: justify;">ІІМ-де өткен брифингте ведомствоның әкімшілік полиция комитетінің ерекше тапсырмалар жөніндегі аға инспекторы Ақтоты Боранова жолдағы қауіпсіздік жағдайы туралы айтты, деп хабарлайды <a href="/" target="_blank" rel="noopener noreferrer">Egemen.kz</a>.</p>
«Соңғы 5 жылда ел жолдарында жыл сайын 2 мыңнан астам адам қаза тапты, тағы 20 мыңнан астам адам жарақат алады. Осы жылдың алты айында Қазақстанда 6 мыңнан астам жол-көлік оқиғасы тіркелді, онда 947 адам қаза тауып, 8110 адам жарақат алды. Бұның негізгі себебі - жүргізушілер мен жаяу жүргіншілердің жол қозғалысы ережелерін саналы түрде бұзуы. ЖКО-ның 95%-ы жүргізушілердің ағаттығынан жасалады», деді Ақтоты Боранова.
ІІМ өкілінің айтуынша, ЖКО себептерінің арасында келесі факторлар бакелер:
- Жылдамдық режимінен асып кету;
- Маневр жасау қағидаларын бұзу;
- Қарсы қозғалыс жолағына шығу;
- Жаяу жүргіншілер мен велосипедшілердің жол қозғалысы ережелерін бұзуы.
«Жылдамдық режимінің асып кетуіне байланысты 1,5 мыңға жуық ЖКО тіркелді, онда 300-ге жуық адам қаза тауып, 2 мың адам жарақат алды. ЖКО-да қаза тапқандар мен жараланғандардың төрттен бір бөлігін жаяу жүргіншілер құрайды. Жаяу жүргіншілердің кінәсінен 200-ге жуық ЖКО орын алды, онда 40-тан астам адам қаза тауып, 150-ге жуық адам жарақат алды», деп қосты ІІМ өкілі.