Қала күніндегі бәйге жарысы
<p style="text-align: justify;">Ертең елордадағы «Қазанат» атшабарында Нұр-Сұлтан қаласы әкімдігінің қолдауымен Қала күніне орай бәй­ге түрлерінен «Елорда бәйгесі» рес­публикалық турнирі өтеді. </p>
Бәйге сайысында Нұр-Сұлтан, Алматы және Шымкент қалалары мен еліміздің барлық облысынан 150-ден астам таңдаулы жүйрік бақ сынайды. Шабандоздар тоғыз шақырымдық құнан бәйге, 16 шақырымдық кіші аламан және 21 шақырымдық аламан бәйге бойынша сынға түседі. Жарыстың жалпы жүлде қоры – 20 млн теңге.
Сондай-ақ бәйге бағдарламасында «Қостанай жылқысының бәйгесі» атты республикалық турнир де ұйымдастырылмақ. Биыл үшінші рет өткелі жатқан жарыста Қостанай тұқымды жылқылар ұшқыр (1,4 км, 2,4 км), құнан (7 км) және аламан бәйге (20 км) түрлері бойынша бақтарын сынайды. Бәйгенің жалпы жүлде қоры – 9 млн теңге.