Айт күндері Алматы мешіттерінде балаларға сыйлық таратылады

<p style="text-align: justify;">Бұл туралы Алматы қаласының бас имамы Оспан Төлеби мәлім етті, деп хабарлайды <a href="/" target="_blank" rel="noopener noreferrer">Egemen.kz</a>.</p>

«Балаларға жақсы көңіл-күй сыйлау мақсатында Айт күндері қаладағы барлық мешітте тәттілер мен сыйлықтар үлестіріледі.

Одан бөлек, мешіт ауласына шатырлар құрылып, киіз үйлер тігіліп, ақсақалдар мен үлкен кісілерге айттық дастархан жайылады», деді Оспан Төлеби.

Сондай-ақ бұл күндері қала әкімінің қолдауымен Алматының орталық мешіті мен өзге мешіттерде ұлттық ойындардан спартакиада өтеді. Шараға қатысушыларды арқан тарту, асық ату, армрестлинг, гір тасын және қошқар көтеру секілді сынақтар күтіп тұр.