Бес сатыға жоғарылады
<p class="2018-" style="text-align: justify;">«Тур де Франс» көпкүндігінің тоғызын­шы кезеңі Швейцарияның Эгль қаласынан бастау алып, Францияның Шателінде аяқталды.</p>
3695 шақырымды қамтыған таулы аймақта өткен жарыста Боб Юнгельс шашасына шаң жұқтырмады. Француздардың «AG2R Citroën Team» клубының сапында өнер көрсететін 29 жастағы люксембургтік велошабандоз сол аралықты 4 сағат 46 минут 39 секундта жүріп өтті. Юнгельстен сәл ғана қалып қойған Испанияның қос саңлағы – Джонатан Кастровьехо («INEOS Grenadiers») мен Карлос Верона («Movistar Team») үздік үштікті түйіндеді. «Астананың» серкесі Алексей Луценко 16-орынды иеленді.
Жалпы есепте словениялық Тадей Погачардың алдына ешкім түсе алар емес. Даниялық Йонас Вингегор («Jumbo-Visma») мен Герайнт Томас («INEOS Grenadiers») екінші және үшінші орындарды өзара бөлісуде. Бұл жолы Алексей Луценко бес сатыға жоғарылап, қазіргі кезде 15 орынды еншілеуде. Жерлесіміз көш басындағы велошабандоздан 4 минут 58 секунд қалып келеді.