Алматыда қару-жарақ арсеналы сақталған тағы бір орын табылды
<p style="text-align: justify;">Алматы қаласының криминалдық полиция қызметкерлері ҰҚКД-нің көмегімен Медеу ауданындағы бағбандық серіктестіктердің бірінің аумағынан қару жасырылған орын тапты, деп хабарлайды <a href="/" target="_blank" rel="noopener noreferrer">Egemen.kz</a> Polisia.kz сайтына сілтеме жасап.</p>
Қару жасырылған жерде қаңтардағы тәртіпсіздіктер кезінде Алмалы ауданындағы қару-жарақ дүкенінен ұрланған Сайга-410К тегіс ұңғылы карабин, ПМ травматикалық тапаншасы, 2 ИЖ тегіс ұңғылы мылтығы, Макаров жүйесі тапаншасының патрондары, 9 мм калибрлі, 12 калибрлі патрондар, сондай-ақ 7,62 калибрлі патрондар жасырылған.
Тәркіленген қару сараптамаға жіберілді. Аталған дерек Медеу аудандық ПБ-да ҚР ҚК-нің 287-бабы 3-бөлігі бойынша тіркелді. Арсеналдың қайдан шыққаны тергеу амалдары мен жедел іс-шаралар жүргізілгеннен кейін белгілі болады.