Ауырғандар саны артуда
<p style="text-align: justify;">Екі жыл бұрын елдің есін шығарған дерт есігімізді қайта қағып тұрғандай. Қазақстан түгілі әлемнің бірқатар мемлекеті сақтық шараларын қолға алып, аурумен арпалысып жатқаны жасырын емес.</p>
Жуырда Қазақстан Республикасының аумағында коронавирус инфекциясының таралуына жол бермеу жөніндегі ведомствоаралық комиссияның отырысында соңғы аптада коронавирус инфекциясын жұқтыру жағдайлары 3,2 есе өскенін, олардың 89%-ға жуығы екпе алмағанын және соңғы 6 айда ревакцинадан өтпегендер екенін еске
салды.
Денсаулық сақтау министрлігінің кешегі мәліметі бойынша, 18 962 адам коронавирус инфекциясынан емделуде, олардың ішінде 1 280 пациент стационарда, 17 682 науқас амбулаториялық деңгейде ем қабылдауда. Шалдыққандардың арасында 32 адамның жағдайы ауыр, 7 пациенттің жағдайы өте ауыр, 5 науқас ӨЖЖ аппаратында жатыр. Өткен тәулікте коронавирус инфекциясын жұқтырудың 2 054 дерегі тіркелді. COVID-19 таралуына жол бермеу жөніндегі ведомствоаралық комиссияның мәліметінше, елімізде коронавирус инфекциясын жұқтырғандар саны осымен 1 333 547-ге жетті.
«Кейінгі тәулікте ауырғандардың ішінде Нұр-Сұлтан қаласында – 806, Алматы қаласында – 532, Шымкент қаласында – 46, Ақмола облысында – 68, Ақтөбе облысында – 8, Алматы облысында – 83, Жетісу облысында – 84, Атырау облысында – 61, Шығыс Қазақстан облысында – 6, Абай облысында – 26, Жамбыл облысында – 76, Батыс Қазақстан облысында – 20, Қарағанды облысында – 130, Қостанай облысында – 11, Қызылорда облысында – 36, Маңғыстау облысында – 14, Павлодар облысында – 28, Солтүстік Қазақстан облысында – 8, Түркістан облысында 11 тұрғын сырқаттанды», деп жазды комиссиядан.
Ал осы күні 1 083 адам коронавирус инфекциясынан жазылып шықты. Олардың ішінде Нұр-Сұлтан қаласында – 341, Алматы қаласында – 490, Алматы облысында – 50, Жетісу облысында – 3, Атырау облысында – 15, Шығыс Қазақстан облысында – 26, Абай облысында – 11, Жамбыл облысында – 25, Қарағанды облысында – 59, Қызылорда облысында 63 адам сауығып шықты. Елімізде барлығы 1 301 086 адам COVID-19-
дан емделіп, қатарға қосылды. Денсаулық сақтау министрлігінің кешегі күнгі ақпараты бойынша, Қазақстанда I компонентпен 10 777 490 адам, II компонентпен 10 506 442 адам вакцина салдырды. Ревакциналанғандар саны – 4 975 445 адам.