Жеті облысқа жаңа прокурор тағайындалды
<p style="text-align: justify;">Бұл туралы <a href="/" target="_blank" rel="noopener noreferrer">Egemen.kz</a> Бас прокуратураның баспасөз қызметіне сілтеме жасап хабарлайды.</p>
«Мемлекет басшысымен келісе отырып, Бас прокурордың бұйрығы бойынша бірқатар облыстың прокурорлары тағайындалды», делінген хабарламада.
Жаңадан құрылған Ұлытау облысының прокуроры болып 3-сыныпты мемлекеттік әділет кеңесшісі Жарқынбек Кендірбекұлы Бақашбаев тағайындалды.
Абай облысының прокуратурасын 3-сыныпты мемлекеттік әділет кеңесшісі Ерлан Масғұтұлы Абаев басқарады.
Аға әділет кеңесшісі Мадияр Бекенұлы Басшыбаев Жетісу облысының прокуроры болып тағайындалды.
Серік Рысқалиұлы Шалабаев Батыс Қазақстан облысының прокуроры болды.
Ақтөбе облысының прокуроры 3-сыныпты мемлекеттік әділет кеңесшісі Халидулла Зиноллаұлы Дәуешов болды.
Маңғыстау облысының прокуроры қызметіне аға әділет кеңесшісі Руфат Бауыржанұлы Құттуков тағайындалды.
Бауыржан Альбертұлы Жұмақанов Атырау облысының прокуроры болып тағайындалды.